Na Ramadhan Hassan, Mtanzania Digital
MSANII wa Bongo Fleva, Giraruma Kisheri maarufu kwa jina la Musoma ameachia wimbo mpya unaoitwa Malalamiko ambao amemshirikisha Coclyn, huku akihidi kuendelea kutoa nyimbo zenye ujumbe na zinazowakonga Watanzania.
Musoma ambaye anatamba na nyimbo mbalimbali ikiwamo ‘Umenichota’ aliomshikirisha staa wa Bongo Star Search, Mesha Mazing, Miss Dom aliomshirikisha One Six na Njoonjoo na Zamu yetu.
Akizungumza na Mtanzania Digital leo Desemba 1,2021, msanii huyo ambaye ni mwalimu wa shule ya Msingi Amani ya Dodoma, amesema wimbo wa Malalamiko umekuja kueleza kwa kina kuhusu usaliti ambao umekuwa ukitokea katika jamii.
Musoma amesema matarajio yake ni kuendelea kutoa nyimbo zenye kuelimisha,kuburudisha na kuonya jamii juu ya mambo mbalimbali huku akisisitiza watanzania wazidi kumuunga mkono.
Katika hatua nyingine, amesema anatarajia kutoa wimbo uitwao ‘Yatima’ ambapo amedai atamshikisha msanii mwenye jina kubwa hapa nchini Linex.
