NEW YORK, MAREKANI
MKE wa msanii wa hip hop nchini Marekani, Kanye West, Kim Kardashian, amesema anapenda mtoto wake aje aitwe Easton tofauti na jina lingine.
Mtoto wake wa kwanza amepewa jina la North huku baba yake akiitwa West, hivyo watu wengi wakijiuliza jina la
mtoto ajaye ataitwa nani kati ya East au South, lakini mam huyo amesema angependa mtoto huyo aitwe Easton.
“Ningependa mtoto huyo aje aitwe Easton, lakini sina uhakika kama mume wangu atakubaliana na mimi.
“Sina uhakika kama atakuwa na lengo la kutoa jina la mwelekeo kama ilivyo kwake West na mtoto akiitwa North,
watu wengi wanadhani kuwa ataiwa South.
Hata hivyo, mama huyo amesema mpaka sasa bado yeye na mume wake hawajapanga jina la mtoto huyo ambaye wanamtarajia hivi karibuni.
