Na CHRISTOPHER MSEKENA
MWIMBAJI wa Injili kutoka nchini Marekani, Grace Maisha, amewaomba wapenzi wa muziki huo kukaa tayari kwaajili ya kupokea wimbo wake mpya, Mwaminifu.
Akizungumza na MTANZANIA, Grace alisema anawashukuru mashabiki kwa mapokezi mazuri ya wimbo wake, Natosheka na sasa yupo kwenye hatua za mwisho kukamilisha video ya Mwaminifu.
“Muda wowote kutoka sasa nitaachia wimbo mpya, Mwaminifu, mashabiki wakae tayari, wawe karibu na mitandao yangu ya kijamii hasa YouTube kwa ku-subscribe ili nikiitoa waweze kuipata na kubarikiwa nayo,” alisema mwimbaji huyo mwenye asili ya Burundi.
