BAADA ya kupiga chini maonyesho kibao ya Kimataifa kwa sababu za ugonjwa wa corona, staa wa Bongo Fleva, Diamond Platnumz, amefungua ukurasa mpya nchini Malawi kwa kupiga shoo yake ya kwanza leo.
Mapema jana, Diaamond Platnumz alitua nchini humo na kupokewa na maelfu ya mashabiki ambapo alipata muda wa kusalimiana nao kabla ya leo kutumbuiza kwenye shoo kubwa katika ufukwe wa Livingstone.
Aidha Diamond Platnumz ameanza kutangaza maonyesho yake mbalimbali atakayoyafanya kwenye nchi zilizolegeza masharti ya ‘lockdown’ kama vile Sudan Kusini atakapopiga shoo mbili kubwa, Desemba 25 na 26, mwaka huu.
