AVELINE KITOMARY, DAR ES SALAAM
Mahakama ya Hakimu Mkazi Kinondoni jijini Dar es salaam imemhukumu jela miaka mitatu Mohamed Mwinchuya (47) maarufu Babe kwa kosa la kukutwa na dawa za kulevya aina ya bangi.
Akisoma hukumu hivyo leo mahakamani hapo, Hakimu Joyce Mushi amesema kutokana na mshtakiwa kukiri kukutwa na dawa hizo kwa mujibu wa sheria atatakiwa kutoa faini ya Sh millioni 1 au kwenda jela miaka mitatu.
Katika kesi ya msingi mshtakiwa anadaiwa kuwa Machi 1 mwaka huu eneo la Boko Chama Wilaya ya Kinondoni alikutwa na dawa za kulevya aina ya bangi yenye uzito wa kilo 1.09.
Hata hivyo Mshtakiwa amekiri kukutwa na kiasi hicho cha dawa za kulevya, na kuomba Mahakama impunguzie adhabu kutokana na kutegemewa na familia.
