NEW YORK, MAREKANI
STAA wa muziki wa hip hop nchini Marekani, Bill Kapri, maarufu kwa jina la Kodak Black, ameanika jinsi alivyokuwa anapigwa wakati yupo jela.
Rapa huyo mwenye umri wa miaka 22, kwa sasa yupo huru baada ya kutoka jela kutokana na kesi ya kumiliki silaha bila kibali na kujihusisha na dawa za kulevya.
Kupitia ukurasa wake wa Instagram, msanii huyo amedai alikuwa mmoja kati ya watu ambao wamepigwa kwenye jela ya Kentucky.
“Kuna siku nilipigwa na askali saba wa jela, wakati wananipiga walikuwa wananiambia, nikiwa mtaani ninaonekana staa sana na nina kundi kubwa la watu nyuma yangu, lakini gerezani siwezi kuwa staa, hivyo ninaweza kupata mateso kama wengine, walisema hayo huku wakinipiga,” aliandika rapa huyo.
