LOS ANGELES, MAREKANI
MWANAMUZIKI mkongwe wa miondoko ya Pop na RnB, Mary J. Blige, anatarajia
kutunukiwa tuzo ya heshima (Lifetime Achievement Award) kwenye tuzo za BET
zitakazofanyika June 23-25, mwaka huu katika ukumbi wa Microsoft Theater, Los
Angeles, Marekani .
Mary J, ambaye aliwahi kuwa mshindi wa tuzo za Grammy mara tisa pamoja na kuuza
album zake mara nane (multi-platinum) atatunukiwa heshima hiyo kutokana na
mchango wake mkubwa alioutoa kwenye tasnia ya muziki tangu mwaka 1992.
Imeelezwa kuwa, Mary J Blige ataungana na waimbaji kama Anita Baker wa mwaka
jana, pia Charlie Wilson, Diana Ross, Whitney Houston, New Edition, James Brown
na Prince wakiwa miongoni mwa mastaa waliopokea tuzo hiyo ya heshima.
