NA MWANDISHI WETU
MKALI WA muziki wa Bongo Fleva, Naseeb Abdul, maarufu kama Diamond Platnumz, amempiku mwigizaji na mwanamuziki aliyewahi kuwa mrembo wa dunia mwaka 2000, Priyanka Chopra, kwenye tuzo za MTV Europe Music Awards (MTV-EMA).
Tuzo hizo zilizofanyika nchini Italia usiku wa kuamkia jana, wawili hao walikuwa wanachuana kwenye kipengele cha ‘Best Worldwide Act’, tuzo ambayo ilikuwa na ushindani mkubwa kutoka kwa nyota wengine wa muziki kutoka mataifa ya Australia, New Zealand, Ulaya, Latin America na Marekani Kusini.
Diamond alidai tuzo hiyo ni muhimu na si ya kwake peke yake.
“Tuzo hii siyo yangu ni yetu sote, kwa sababu bila kura zenu nisingeweza kushinda kutokana na ushindani uliokuwepo kwenye kipengele hiki,” alishukuru Diamond.
