Na Mwandishi Wetu, Mtanzania Digital
Serikali ya Tanzania imeeleza kuwa Balozi Mstaafu Dk. Willibrod Slaa, Mpaluka Nyangali maarufu Mdude na Wakili Boniface Mwabukusi wamekamatwa kwa tuhuma za uhaini na sio kutokana na wao kukosoa mkataba wa uwekezaji bandarini kama inavyopotoshwa.
Kupitia taarifa aliyoitoa katika ukurasa wake wa mtandao wa Kijamii wa X, leo Agosti 16, 2023 na Waziri Habari, Mawasiliano na Teknolojia ya Habari, Nape Nnauye imeeleza kuwa, hakuna mtu yeyote ambaye amekamatwa wala hatakamatwa kwa kukosoa tu mkataba wa bandari au mradi, mpango, mpango au sera yoyote ya serikali.
Pia imeeleza kuwa, kauli kuhusu kukamatwa kwa watu hao zimechanganya mambo mawili tofauti ambayo ni mjadala wa kitaifa unaoendelea kwa uwazi kwa sasa nchini Tanzania kuhusu mapendekezo ya uwekezaji wa bandari kwa upande mmoja, na suala la sheria kwa upande mwingine.
“Watu hao watatu walikamatwa na polisi kwa kutoa vitisho vya uhalifu hadharani, ambavyo ni pamoja na kutaka kupinduliwa kwa nguvu kwa Serikali. Watuhumiwa hao ambao baadhi yao walitaka hadharani kuhamasisha wananchi kubeba silaha dhidi ya Jeshi la Polisi Tanzania, walikamatwa ili kutuma ujumbe mahususi wa kuwazuia wahalifu wengine kufanya makosa ya jinai,” ameeleza Nape.
Waziri Nape amebainisha kuwa kukamatwa kwao hakuzuii kwa vyovyote vile uhuru wa kujieleza nchini Tanzania, bali ni sehemu ya utekelezaji wa sheria ili kuzuia machafuko ya kijamii yanayoweza kutokea kutokana na wito wa uasi dhidi ya serikali iliyochaguliwa kidemokrasia.
Akizungumzia moja ya kauli za Shirika la Kimataifa la Kutetea Haki za Binadamu kuhusu sakata la kukamatwa kwa watu hao, Waziri Nape ameeleza kuwa huo ni upotoshaji.
“Moja ya kauli za hivi majuzi zaidi kutoka kwa shirika la kimataifa la kutetea haki za binadamu limeamua kupotosha ukweli kwa nia mbaya kwa kudai kimakosa kwamba washukiwa walikamatwa kwa kukosoa tu mpango wa bandari kati ya Tanzania na Umoja wa Falme za Kiarabu (UAE).
“Watu binafsi, makundi, asasi za kiraia, wanataaluma, vyombo vya habari, viongozi wa dini, vyama vya siasa na taasisi wanaendelea,” ameeleza Waziri Nape.
