Twanga Pepeta yajifua kwa uzinduzi

NA MWALI IBRAHIM
BENDI ya muziki wa dansi nchini, The African Stars ‘Twanga Pepeta’, inatarajia kuingia kambini kujiandaa na onyesho maalumu la uzinduzi wa video za nyimbo mbili itakayofanyika hivi karibuni, jijini hapa.
Kiongozi wa bendi hiyo, Ally Choki, alisema kambi hiyo itadumu kwa wiki mbili ili wajifunze vitu vipya watakavyovionyesha mashabiki wao.
“Video tunazotarajia kuzizindua ni ‘Usiyaogope maisha’ na ‘Kichwa chini’, ambazo zote ni utunzi wangu na zipo kwenye albamu mpya tunayoiandaa kwa sasa,” alisema.
Alisema, tayari video hizo zimeshakamilika na kinachosubiriwa ni uzinduzi ambapo tutawafahamisha rasmi mashabiki wetu siku na mahali utakapofanyika.