Na Winfrida Mtoi, Mtanzania Digital
Mwanariadha Failuna Abdi, kesho anatarajia kupeperusha bendera ya Tanzania katika mashindano ya Olimpiki, akikimbia mbio za Marathon nchini Japani.
Mwanariadha huyo atachuana na wanariadha 90 kutoka mataifa mbalimbali ikiwamo wa Afrika Mashariki, Kenya na Uganda.
Failuna ni mwanariadha pekee wa kike kati ya watatu wanaowakilisha Tanzania katika mashindano hayo, wengine ni Alphoce Simbu na Gabriel Geay ambao watakimbia Jumapili.
