KINSHASA, DRC
UMOJA wa Mataifa (UN) juzi ulisema maelfu ya watu wanaokimbia ghasia Sudan Kusini wamevuka mpaka kuingia kaskazini mashariki mwa Jamhuri ya Kidemokrasia ya Congo (DRC).
Kwa mujibu wa taarifa ya ujumbe wa askari wa kulinda amani Kongo (MONUSCO), wakimbizi wapatao 5,000 wamewasili katika vijiji vya mpakani karibu na mji wa Ingbokolo.
Sudan Kusini ilipata uhuru kutoka Sudan mwaka 2011, na kuwa mwanachama wa 193 wa UN.
Lakini vita vya wenyewe kwa wenyewe vilizuka mwaka 2013 baada ya Rais Salva Kiir kumshutumu aliyekuwa makamu wake, Riek Machar, kujaribu kufanya mapinduzi ya jeshi dhidi yake.
DRC inawahifadhi wakimbizi wapatao nusu milioni kutoka Rwanda, Sudan Kusini na Jamhuri ya Afrika ya Kati.
Lakini pia yenyewe ina wakimbizi 800,000 wanaotafuta hifadhi nje ya nchi hii.
