Na Christppher Msekena, Mtanzania Digital
Mwimbaji anayekuja kwa kasi kwenye muziki wa Injili, Rebecca Mishumi anatarajia kuzindua albamu yake mpya, Nipe Hatua Jumamosi hii mkoani Kagera.
Akizungumza na www.mtanzania.co.tz Rebecca amesema uzinduzi huo utafanyika katika ukumbi wa Sayari Nyakanazi Biharamulo na utapambwa na waimbaji mbalimbali.
Albamu ni audio na ninawakaribisha watu wote waje kwa wingi kwasababu mbali na mimi kutakuwa na waimbaji kama Good Music Darassa, Bosco, Dinnah Steven, Happy, Enock na Brother K.
