ILLINOIS, MAREKANI
MWIMBAJI wa Injili kutoka Illinois nchini Marekani, Bizimana Pascal ‘Pascal Pascal’, amewataka wapenzi wa muziki huo kukaa tayari kwa ujio wa wimbo wake mpya, Mvua ya Baraka.
Akizungumza na MTANZANIA, Pascal alisema wimbo huo wa kumshukuru Mungu utaanza kupatikana kwenye mitandao mbalimbali kuanzia wiki ijayo hivyo mashabiki wakae tayari.
“Mvua ya Baraka itakuwa kwenye chaneli yangu ya YouTube ya Pascal Pascal Talent kuanzia wiki ijayo. Huu ni wimbo mzuri sana naamini utambariki kila mmoja wetu hivyo naomba sapoti kwa mashabiki zangu hapo Afrika Mashariki,” alisema Pascal.
