LOS ANGELES, Marekani
NYOTA wa muziki wa hip hop nchini Marekani, Sean Combs ‘Puff Daddy’, amemuomba msamaha kocha wa mtoto wake baada ya kugombana naye miezi miwili iliyopita.
Diddy aligombana na Sal Alosi baada ya kocha huyo kupishana maneno na mtoto wake wakiwa mazoezini, ambapo Diddy alichukua uamuzi wa kumpiga na kifaa kizito kocha huyo lakini baada ya kuomba radhi akaapa kutokwenda tena mazoezini kumwangalia mwanawe.
“Nilipishana maneno na kocha wa mwanangu, lakini kila kitu kipo sawa kwa sasa na nimemwambia kuwa siwezi kwenda tena kuangalia mazoezi yao.
“Nilimuona kocha huyo wakipishana maneno na mtoto wangu na mimi sikuuliza nikafanya nilichofanya na ninaamini sikuwa sahihi,” alisema Diddy.
