26.2 C
Dar es Salaam
Friday, October 15, 2021

Operesheni Usalama Barabarani Simiyu yakusanya Milioni 10

Na Derick Milton, Simiyu

Jeshi la Polisi mkoani Simiyu limefanikiwa kukusanya kiasi cha Sh milioni 10.46 kilichotokana na faini mbalimbali ambazo walitozwa madereva pikipiki pamoja na magari kutokana na makosa ya usalama barabarani.

Hayo yamesemwa leo Agosti 13, 2021 na Kamanda wa polisi mkoani humo ACP Richard Abwao, wakati akizungumza na Waandishi wa Habari ofisni kwake mjini Bariadi.

Kamanda Abwao amesema faini hizo zinatokana na zoezi la opereisheni ambalo linaendelea nchi nzima, ambapo tangu Agosti 4, 2021 opereisheni hiyo ilipoanza rasmi jumla ya makosa 476 yamekamatwa.

Amesema kuwa makosa hayo ni pamoja na pikipiki mbovu, wanaoendesha bila leseni, wanaobeba abiria zaidi ya mmoja kwenye pikipiki, pamoja na wanaoendesha bila ya kofia ngumi (Helement).

“Kati ya makosa hayo, makosa ya magari ni 292 na maduhuri yaliyokusanywa ni Sh milioni 8.62 na makosa ya pikipiki ni 184 maduhuri yaliyokusanywa ni Sh milioni 1.186, na opereisheni hii na endelevu haina kikomo, niwatake madereva wote kuhakikisha wanazingatia sheria za usalama Barabarani,” amesema Abwao.

Katika hatua nyingine Jeshi hilo limefanikiwa kuwakamata wahamiaji haramu 39 raia wa Burundi ambao wanadaiwa kutoka katika kambi ya wakimbizi Nyarugusu Mkoani Kigoma na walikuwa wanaelekea kambi ya Kakumba nchini Kenya.

Kamanda Abwao amedai kuwa wahamiaji hao walikamatwa katika mji wa Lamadi Wilayani Busega, wakiwa kwenye gari ambapo walidai kuwa wanakimbilia kwenye kambi ya Kenya ambayo mazingira yake ni mazuri.

Wakati huo huo Jeshi hilo limefanikiwa kukamata miundombinu ya vifaa mbalimbali vya mradi wa umeme vijijini (REA) Mkoani humo, ambavyo viliibiwa ambapo vilikuwa na thamani ya Sh milioni 24.9.

Kamanda Abwao amevitaja vifaa hivyo kuwa ni Base Plate type A&B zikiwa 35, Stay Wire Rollar 08 Mita 1,016, Pig Tail Bolt 300 pamoja na Barbed wire Rollar 12 Mita 2,160.

Related Articles

LEAVE A REPLY

Please enter your comment!
Please enter your name here

Stay Connected

66,457FansLike
161,753FollowersFollow
521,000SubscribersSubscribe

Latest Articles