Na MWANDISHI WETU
SIKU moja baada ya kuachia video ya wimbo wake mpya unaoitwa Moyo Nyamaza, mwimbaji nyota wa muziki wa Injili nchini, Entujael Msangi, amesema mapokezi ya kazi hiyo kwenye mtandao wa YouTube yanaridhisha.
Akizungumza jana, Entujael alisema kumekuwa na mwitikio mkubwa wa mashabiki kumiminika kwenye mtandao wa YouTube kuitazama video hiyo, ambapo ndani ya saa 24 toka imewekwa, imetazamwa na watu wengi tofauti na matarajio yake.
“Nitoe shukrani zangu za dhati kwa Amazing Pixx Pro kwa kunitengenezea video kali ambayo imepokewa vizuri na mashabiki kwenye mtandao wa YouTube, niwaahidi watu wa Mungu baada ya Moyo Nyamaza wakae tayari kupokea video ya wimbo mwingine unaoitwa Sababu ya Kumwabudu,” alisema Entujael.
