Na Asha Bani
Mchungaji wa Kanisa la Evangelical Brotherhood, usharika wa Mlima wa Moria, Emmanuel Mkwawa atafanya kongamano maalum la kuliombea taifa na viongozi Januari Mosi mwakani kwenye viwanja vya Kanisa hilo, vilivyopo Kinyerezi, jijini Dar es Salaam.
Mbali na maombi maalum kwa Taifa na viongozi pia kutakuwa na uzinduzi wa Kitabu cha Elimu ya ndoto.
Mgeni rasmi katika kongamano hilo anatarajiwa kuwa mbunge wa zamani wa Bunge la Afrika Mashariki Dk.George Nangale .
Mchungaji Mkwawa amesema hayo leo jijini Dar es Salamaa na kubainisha kuwa tayari watu kutoka mikoa mbalimbali nchini wameanza kuwasili jijini Dar es Dalaam kwa ajili ya ibada hiyo.
Aidha alitoa wito kwa watu wa dini zote kushiriki kwenye ibada hiyo ya kuliombea Taifa.
“Tumekuwa tukiliombea taifa mara kwa mara, hata Septemba mwaka huu tulifanya hivyo, lengo letu ni kuwa na taifa lenye upendo na amani wakati wote,” alisema Mchungaji Mkwawa .
