Na MWANDISHI WETU – Dar es Salaam
RAIS Dk. John Magufuli amemteua Bernard Konga kuwa Mkurugenzi Mkuu wa Mfuko wa Taifa wa Bima ya Afya (NHIF).
Taarifa iliyotolewa jana na Katibu Mkuu Kiongozi, Balozi John Kijazi kupitia Mkurugenzi wa Mawasiliano ya Rais – Ikulu, Gerson Msigwa, ilisema uteuzi huo ulianza tangu Agosti 9, mwaka huu.
Kabla ya uteuzi huo, Konga alikuwa akikaimu nafasi hiyo tangu mwaka jana iliyoachwa wazi baada ya aliyekuwa Emannuel Humba kustaafu.
Awali nafasi hiyo ilikuwa ikikaimiwa na Michael Mhando ambaye alitumbuliwa na Waziri wa Afya, Maendeleo ya Jamii, Jinsia na Watoto, Ummy Mwalimu kwa tuhuma za udanganyifu.
