30.2 C
Dar es Salaam
Thursday, May 23, 2024

Contact us: [email protected]

Infinix, Vodacom PLC wazindua Infinix Hot 30

*Wazindua pia Chemsha bongo ya Tech kwa wana vyuo na ofa ya GB 96 kutolewa

Na Mwandishi Wetu, Mtanzania Digital

Kampuni ya wamasiliano ya Infinix kwa kushirikia na Vodacom Tanzania PLC zimezindua muendelezo wa toleo la Infinix HOT series- Infinix HOT 30 pamoja na kmapeni ya chemsha bongo ya Tech inayohusisha wanafunzi wa vyuo vikuu.

Uzinduzi huo umefanyika Aprili 28, mwaka huu jijini Dar es Salaam ambapo akizungumza na waandishi wa habari Afisa Mahusiani wa Infinix, Erick Mkomoye, amesema kuwa: “Infinix ni chapa ya mafanikio ya kimataifa inayotambulika duniani kote na kwamba wanayo furaha kutambulisha bidhaa hiyo mpya.

“Leo tuna furaha kutangaza Infinix HOT 30, simu ambayo inakiwango cha juu cha uchezeshaji games yenye kuendeshwa na kichakata chenye 8-core Helio G88 yenye ARM Cortex mbili zenye nguvu- Cores A75 zinazoendesha kwa kasi ya juu ya 2.0GHz.

“Teknolojia ya ubunifu ya upanuzi wa kumbukumbu, kuruhusu ongezeko kubwa la kumbukumbu kutoka 8GB ya awali hadi 16GB. Hii inasababisha nyakati za uanzishaji haraka na uwezo wa kushughulikia programu za ‘cache’, kuwapa watumiaji matumizi ya simu ya mkononi kwa wepesi na yenye ufanisi,” amesema Mkomoya.

Mkomoya ameongeza kuwa: Infinix Hot 30 ni bora zaidi kwa teknolojia yake ya kuchaji 33w na 5000mAh kipimo cha ukomo wa maisha ya betri kinachopendekezwa, ambacho kinahusisha kupima maisha ya betri ya simu kwa kutumia programu maarufu kama vile filamu, michezo na video fupi na kwa kesi ya utendakazi wa kioo ni chenye ubora kutokana na kiwango chake cha juu cha kurudisha ambacho kinaifanya kuwa nyepesi wakati wa kutumia,” amesema Mkomoye.

Kwa upande wake Mkurugenzi Mtendaji wa Mauzo na Usambazaji wa Vodacom, George Lugata amesema: “Vodacom ina urithi mkubwa katika kuendeleza na kuongeza wa upatikanaji wa teknolojia ya simu. Sasa tunaishi katika ulimwengu unaoelekea kwenye muunganisho wa ulimwengu wote na simu mahiri siyo tu vitu vya anasa; ni mahitaji ya kiuchumi. Simu mahiri huruhusu watu kuwasiliana, kujumuika, na kufurahia ulimwengu unaotuzunguka kuliko wakati mwingine wowote.

“Vodacom inaamini kwa dhati kwamba kila mtu anastahili kupata simu mahiri yenye ubora huku ikizingatiwa kuwa si kila mtu anaweza kumudu bei za simu za kisasa,” amesema Lugata.

Amefafanua zaidi kuwa kampuni hiyo itatoa 96GB za bei nafuu kwa muda wa miezi 12 kwa wateja watakaonunua simu hiyo ambayo itawawezesha kufurahia huduma za kidijitali zinazotolewa na mtandao wa supa.

Utumiaji wa simu mahiri ni moja ya chachu ya Vodacom kufikia maono yake ya kuifanya Tanzania kuwa ya kidijitali na hadi sasa, kampuni hiyo ina nia ya kutoa simu janja zenye ubora wa hali ya juu na kwa bei nafuu kwa kila Mtanzania. Hii ndiyo motisha ya ushirikiano wake na Infinix ili kuhakikisha kwamba wanafunzi wa vyuo vikuu wanaweza kuwa washiriki hai wa jumuiya ya kidijitali ambayo nchi inaijenga kwa uchokozi.

Ili kukuza udadisi na kubadilishana maarifa miongoni mwa wanafunzi wa vyuo vikuu, Vodacom kwa kushirikiana na Infinix itakuwa mwenyekiti wa chemsha bongo ya maarifa inayoshirikisha taasisi nne za elimu ya juu za Dar es Salaam.

Shindano la chemsha bongo itafanyika kwa muda wa wiki 4 ambapo washindi wataondoka na simu ya HOT 30 Aidha, wanafunzi wataweza kununua Infinix HOT 30 kwa bei iliyopunguzwa wakati wa shindano katika chuo chao.

- Advertisement -

Related Articles

LEAVE A REPLY

Please enter your comment!
Please enter your name here

Stay Connected

90,904FansLike
214,997FollowersFollow
587,000SubscribersSubscribe

Latest Articles