Upendo Mosha, Hai
Baraza la madiwani la Halmashauri ya Wilaya ya Hai, mkoani Kilimanjaro, limefanya uchaguzi na kumchagua, Elingaya Massawe kuwa Makamu Mwenyekiti wa halmashauri hiyo kwa kipindi cha mwaka mmoja.
Baraza hilo limefanya uchaguzi huo leo Ijumaa Agosti 30, chini ya usimamizi wa Mwenyekiti wake Helga Mchomvu.
Massawe aliibuka mshindi baada ya kupata kura 15 kati ya 22 zilizopigwa na kumshinda mshindani wake Deo Kimaro ambaye alipata kura saba.
