Hassan Daudi na Mitandao
Bosi Liver amvaa Mbappe
MMILIKI wa Liverpool, John W Henry, atasimamia shoo ya kuisaka saini ya mshambuliaji wa PSG, Kylian Mbappe.
Mbappe anahusishwa na Liverpool, wakati huo pia huduma yake ikisakwa na Rais wa Real Madrid, Florentino Perez.
CHANZO: The Mirror
Klinsmann afungua mlango Tottenham
LEJENDARI wa soka la Ujerumani, Jurgen Klinsmann, amesema ni jambo linalowezekana kwenda kuinoa Tottenham.
Tangu ilipomtimua Jose Mourinho, Tottenham imekuwa ikihusishwa na mpango wa kumchukua Klinsmann aliyewahi kukipiga klabuni hapo.
Beki Norwich asakwa Ulaya
WEST Ham imeungana na klabu kubwa za Ulaya zinazomtolea macho beki wa pembeni wa Norwich City, Max Aarons.
Klabu zingine zinazomtaka nyota huyo raia wa England ni Barcelona, Bayern Munich na Tottenham.
CHANZO: Independent
Bentaleb kutua England?
KIUNGO wa kimataifa wa Algeria, Nabil Bentaleb, huenda akatua Ligi Kuu ya England mwishoni mwa msimu huu.
Bentaleb raia wa Algeria, kwa sasa anakipiga Ujerumani anakoichezea Schalke 04.
CHANZO: Sun
