WINGA wa Bayern Munich, Kingsley Coman, amefanyiwa upasuaji mdogo wa moyo, kwa mujibu wa kocha wake, Julian Nagelsmann.
Mfaransa huyo mwenye umri wa miaka 25, anatarajiwa kuwa nje ya uwanja kwa wiki mbili baada ya kufanyiwa upasuaji huo.
Akitoa taarifa hiyo kwa waandishi wa habari, Nagelsmann amesema: “Kingsley Coman amefanyiwa upasuaji jana. Mapigo ya moyo yalikuwa na shida kidogo. Kuna muda alikuwa akipata tabu kupumua.”
