Mwandishi wa Wetu
Sababu ya kifo cha aliyekuwa mtangazaji wa Deustche Welle (DW), Isaac Gamba, aliyefariki ghafla nyumbani kwake nchini Ujerumani, inasubiri ripoti ya daktari.
Akizungumza na Mtanzania Digital kutoka Bon nchini Ujerumani, mtangazaji mwenziwe Gamba, Sudi Mnette, amesema hadi wakati huu chanzo cha kifo chake bado hakijafahamika na wanasubiri ripoti ya daktari baada ya uchunguzi.
Sudi amesema Gamba amefariki ghafla na hadi sasa haijafahamika chanzo cha kifo chake kwani hadi Jumatatu alikuwa kazini akiwa sawa sawa wala hakuonyesha dalili yoyote kama alikuwa na ugonjwa wowote.
“Alikuwa sawa tu, wala hakuwa na dalili kama alikuwa mgonjwa, alikuwa ametoka kazini Jumatatu asubuhi na tukabishana sana kuhusu siasa, kuna waliobahatika kuzungumza naye kwenye simu.
“Hadi jana hatukupata mawasiliano naye, leo ndiyo imedhihirika baada ya kwenda nyumbani kwake na kukuta amefariki, si unajua huku kila mtu na kazi na mambo yake.
“Mimi ni kaka yangu amenikuta kazini nikamtembeza kwenye ngazi za Ulaya, na mimi nilimkuta Radio Uhuru,” amesema Mnette.
Kwa habari zaidi endelea kusoma Mtanzania.
