NA PATRICK MWILLONGO, BAGAMOYO
WILAYA ya Bagamoyo, mkoani Pwani, inatarajia kumpata mlimbwende katika shindano la IPAM Mrembo Bomba,
linalotarajiwa kufanyika leo usiku katika ukumbi wa Sky Light, wilayani hapa.
Muandaaji wa shindano hilo, Abdallah Mtangwelah wa kampuni ya Tangwe Man Entertainment, aliwataja warembo wanaowania taji hilo kuwa ni Kalisa Anderson, Katrina John, Fatuma Kassimu, Lulu John na Mariamu Peter.
Wengine ni Salama Jonson na Lulu William, ambao walikuwa wakinolewa na aliyewahi kuwa mshiriki wa shindano la Miss Tanzania Kanda ya Mashariki na Miss Red Valentine, Faith Msuya.
Mkurugenzi Mtendaji wa IPAM Tours, Halid Mjewa, alisema mshindi wa kwanza atapata seti ya televisheni inchi
22 na feni, wa pili atajipatia televisheni inchi 22, wakati wa tatu na nne watapata meza ya mapambo (dressing table), huku mshindi wa tano akipata feni.
