Na Beatrice Kaiza, Mtanzania Digital
AZAM Media kupitia chaneli yake ya Sinema Zetu imezindua Tamthilia ya ‘Jeraha’ itakayoanza kuruka hivi karibuni.
Akizungumza na waandishi wa habari leo Machi 20, 2023 Mkuu wa Programming wa Azama Media, Fatma Mohamed amesema katika tamthilia hiyo ya Jeraha wametayarisha kitu bora ambacho kitaleta furaha na burudani kwa jamii.
“Nina uhakika tulichokipika watazamaji wa Sinema Zetu 103 wakae mkao wa kula kwani Jeraha itakuwa tamthilia bora zaidi,” amesema Fatma.
Mmoja wa waigizaji katika Tamthilia hiyo, Vincent Kigosi ‘Ray’ amesema wamejipanga kutoa kazi nzuri kwa mashabiki wao kupitia Jeraha.
