KENTUCKY, MAREKANI
Mwimbaji mahiri wa Injili kutoka Marekani, Amuli Mugisho, ameachia video ya wimbo, Baba akianza kutekeleza ahadi ya kuachia nyimbo tatu za Kiswahili mfululizo.
Mugisho anayeishi mjini Lexington, Kentucky, amesema baada ya kutoa wimbo, Baba ataendelea kuachia nyimbo za Kiswahili lengo likiwa ni kuifikia jamii inayozungumza lugha hiyo na kuwafikishia ujumbe wa Mungu.
” Nimeachia video ya Baba ipo kwenye chaneli yangu ya YouTube baada ya wiki moja nitatoa wimbo mwingine unaoitwa Raha Jipe Mwenyewe na baada ya wiki tena nitaweka mwingine unaitwa Kila Jambo na Wakati Wake, hivyo mashabiki wa Injili wajiandae kubarikiwa na nyimbo hizi za Kiswahili,” amesema Mugisho.
