LONDON, England
MIAMBA ya soka nchini Hispania, klabu ya Barcelona imesema kuwa majadiliano ya usajili wa nyota wa Liverpool, Luis Suarez yanatarajiwa kukamilika baada ya kuandaa kitita cha pauni milioni 80.
Klabu hizo zipo kwenye mazungumzo mazito juu ya Lusi Suarez, ambapo mkurugenzi mtendaji wa Liverpool, Ian Ayre amedaiwa kukubali kukutana na mkurugenzi wa Barcelona, Raul Sanllehi, ambaye ameweka wazi dhamira yao ya kutoa pauni milioni 80.
Hata hivyo, Liverpool imesisitiza kumtaka mshambuliaji wa Barcelona, Alexis Sanchez mwenye thamani ya pauni milioni 20, ambapo Barca itatoa pauni milioni 60 pamoja na nyota wake huyo.
Kwa upande wake Barcelona imesema nyota wake Alexis Sanchez ana thamani ya pauni milioni 35 tofauti na thamani inayotajwa na Liverpool milioni 20.
