Na Mwandishi Wetu, Mtanzania Digital
Kampuni ya Mawasiliano ya Halotel Tanzania, imeazimia kuwa chachu katika enzi ya kidigitali, ikiongoza katika suluhisho na huduma za ubunifu zinazokidhi mahitaji ya kimawasiliano yaliyojikita katika katika kuboresha na kuunganisha jamii kidigitali.
Tangu kuanzishwa kwake, Halotel imeendelea kuvuka mipaka, kutoa huduma na suluhisho za ubunifu ambazo zimegeuza jinsi watu nchini Tanzania wanavyounganisha na kusimamia maisha yao ya kila siku.
Katika mazingira ya kidigitali yanayobadilika haraka kipindi hiki, mawasiliano ni muhimu kwa maendeleo na Halotel imekuwa mstari wa mbele katika kutoa suluhisho za Teknolojia ya Habari na Mawasiliano (Tehama) kwa wateja wa kampuni, hasa katika sekta ya benki, mashirika yasiyo ya kiserikali na kadhalika.
Katika kutambua jukumu muhimu la teknolojia katika tasnia ya biashara ya kisasa, Halotel imejumuisha kikamilifu suluhisho za Tehama ili kuboresha ufanisi wa uendeshaji, usalama, na uzoefu kwa wateja wake.
Azma ya kampuni ya kufanikisha mabadiliko ya kidigitali inaonekana katika suluhisho zake maalum za Teknolojia ya Habari na Mawasiliano, zikihakikisha kuwa benki na biashara zinaweza kufanikiwa katika mazingira yanayozidi kuwa ya kidigitali.
“Mafanikio ya kuvutia ya Halotel si kitu cha kawaida tu, hii ni pamoja na kutoa huduma za mawasiliano za daraja la kwanza kwa zaidi ya vijiji 18,720, kuweka zaidi ya kilomita 18,000 za miundombinu ya fibre. Kwa kushirikiana na Mfuko wa Mawasiliano kwa Wote, tumefikia vijiji zaidi ya 1,002, hivyo kufanya idadi ya vijiji ambavyo Halotel imeviunganisha na mawasiliano kufikia zaidi ya 20,700, na hivyo kuendelea kukuza dhamira yetu ya kuwa mtandao wa kwanza ulioenea maeneo mengi nchini hasa vijijini.
“Hii inathibitisha dhamira yetu kwa Ajenda ya Uunganishaji Inayojali, kuhakikisha hata watanzania walioko mbali wanapata huduma za mtandao na mawasiliano. Kwa kutoa huduma kwa gharama nafuu na za kuaminika, Halotel hatuunganishi tu watu; bali tunaondoa daraj katika upatikanaji wa huuma za kidigitali kwa jamii ya watanzania na kuboresha zaidi utumiaji wa huduma za mawasiliani wa kisasa ambao ni kidigitali,” amesema Mkurugenzi wa Biashara wa Halotel, Abdallah Salum.
Aliongeza, “Halotel ina application ya MyHalo ambayo ni moja ya ushahidi wa dhamira ya Halotel kuwarahisishia wateja utumiaji wa mawasiliano. Application hii inayoweza kutumika kirahisi huwapa fursa watumiaji kupata huduma zote za Mawasiliano ya Halotel kwa urahisi. Kutoka kupigia simu marafiki na watu mbalimbali, hadi kuangalia salio la akaunti, na hata kununua data au muda wa maongezi. Application ya MyHalo imekuwa huduma ya muhimu kwa wateja wa Halotel kwa wao kupata huduma zote kiganjani, popote walipo,” amesema.
Halotel pia imekuwa na jukumu muhimu katika ujumuishaji wa kifedha kwa kuanzisha HaloPesa, huduma ya mapinduzi ya pesa kwa simu ya mkononi. Kupitia App ya HaloPesa na huduma za E-wallet, Halotel imewawezesha wateja wake kufanya miamala salama na rahisi ya kifedha, kuanzia uhamisho wa fedha na malipo ya bili mbalimbali, hadi kufanya manunuzi na kupata huduma mbalimbali za kifedha, zote kutoka kwenye kiganja cha mikono yao.
“Usalama na upatikanaji rahisi wa huduma zetu za kifedha unampa demokrasia mamilioni ya wateja katika miamala ya kifedha. Suluhu zetu zinachangia ujumuishaji wa kifedha na kuweka msingi wa uchumi usiohitaji kutembea na pesa, na kuwezesha watu binafsi kushiriki kikamilifu katika mfumo wa ikolojia wa kidijitali,” amesema Salum.
Kwa kuelewa umuhimu wa mipango ya kifedha, Halotel inatoa huduma ya Haloyako, huduma ya kuweka akiba kwa simu ya mkononi ambayo wateja wa Halotel wanaweza kufungua akaunti ya akiba, kufanya pesa za akiba kulingana na malengo yao na kutoa pesa kwa kutumia simu zao za mkononi kupitia huduma ya HaloPesa. Hakuna haja ya kutembelea tawi, unafanya kila kitu kwenye simu yako ya mkononi. Akaunti ya akiba ya HaloYako imeunganishwa na akaunti ya mteja ya HaloPesa, hivyo kuweka na kutoa pesa hufanywa kutoka/kwa akaunti ya HaloPesa.
“Huduma hii inawawezesha wateja wetu kufikia malengo yao ya kifedha na kuboresha maisha yao ya kila siku. Kupitia huduma hii, mteja anathaminiwa na kile au kidogo alicho nacho ili kufanya akiba kwa ajili ya siku zijazo. Huduma hii yenye ubunifu hutoa mwendelezo na uhuru kwa watumiaji, ikisaidia kuendeleza utamaduni wa kuweka akiba na nidhamu ya kifedha. Haloyako ni zaidi ya huduma tu; ni dhamira thabiti ya kusaidia watu binafsi kufikia matarajio yao ya kifedha. Huduma hii inaleta pamoja watu wa ngazi zote na hivyo kuishi kaulimbiu ya “Pamoja kwa Ubora,” ameongeza Salum.
Wakati Tanzania inaendelea na safari yake katika mustakabali unaozidi kuwa wa kidigitali, Halotel inasalia imara katika dhamira yake ya kuongoza, kutoa suluhisho za kibunifu ambazo zinawawezesha watu binafsi, wafanyabiashara na taifa kwa ujumla. Kampuni inaendelea kujikita katika kuongeza ubora, na kuwapa wateja huduma zenye kukidhi mahitaji yao mojawapo kuwekeza katika fursa za uvumbuzi wa teknolojia. Halotel bado itawekeza ili kuwa mdau muhimu katika mabadiliko ya kidijitali Tanzania.
