Na Winfrida Mtoi, Mtanzania Digital
BONDIA wa ngumi za kulipwa Mtanzania, Fadhili Majiha ameshinda pambano lake nchini Uingereza kwa kumchapa TKO ya raundi ya nne Muingereza, Harvey Horn.
Pambano hilo lisilokuwa la ubingwa la raundi nane flyweight, limepigwa usiku wa kuamkia leo ukumbi wa York Berthana Garden Jiji la London, Uingereza.
Ushindi huo wa Majiha unaendeleza ubabe wa mabondia Watanzania kuwachapa Waingereza miaka ya hivi karibuni baada ya Hassan Mwakinyo kumtwanga kwa KO Muingereza, Sam Egginton, miaka mitatu iliyopita.
