Na MWANDISHI WETU-MWANZA
TIMU ya soka ya Mbao FC ya Mwanza imetoka sare ya kufungana mabao 2-2 na timu ya Mbeya City katika mchezo wa Ligi Kuu Tanzania Bara, uliochezwa jana katika Uwanja wa CCM Kirumba, mjini hapa.
Mbao FC imeshindwa kuutumia vyema uwanja wake huo wa nyumbani na kujikuta wakilazimishwa sare ya mabao hayo mbele ya mashabiki wake.
Kwa matokeo hayo, Mbao imefikisha pointi sita huku Mbeya City wao wakifikisha pointi nane katika msimamo wa ligi hiyo.
