MANCHESTER, ENGLAND
MSHAMBULIAJI mpya wa klabu ya Manchester United, Zlatan Ibrahimovic, amemjibu mchezaji wa zamani wa klabu hiyo, Eric Cantona, kwamba anatarajia kuwa Mungu wa klabu hiyo.
Cantona alidai kwamba Ibrahimovic atakuja kuwa mfalme wa klabu hiyo, lakini mchezaji mwenyewe amesema hawezi kuwa mfalme, lakini anaamini atakuja kuwa Mungu wa klabu hiyo.
“Ninamkubali sana Eric Cantona na nimemsikia maneno yake, lakini nataka kumwambia kwamba siwezi kuwa mfalme ndani ya United, ila ninaamini nitakuja kuwa Mungu wa klabu hiyo,” alisema Ibrahimovic
Hata hivyo, mchezaji huyo amedai kwamba amejiunga na klabu hiyo kwa ajili ya kuipa mataji kama alivyofanya akiwa klabu ya PSG na anaamini ataweza kufanya hivyo chini ya kocha mpya, Jose Mourinho.
