Na Mwandishi Wetu
Kocha Mkuu wa Simba, Fadlu Davids amesema mchezo wa kesho dhidi ya APR katika kilele cha tamasha la Simba Day, utatoa picha kuelekea msimu 2024/25, huku malengo yakiwa ni kutwaa ubingwa.
“Ninafahamu Simba haijatwaa taji la ligi kwa miaka mitatu lakini safari hii tuna timu bora ambayo najivunia kuwa itatupeleka kwenye malengo tuliyojiwekea,” amesema.
Katika mchezo huo Fadlu amesema atatoa nafasi kwa wachezaji wote ili kuzoea mazingira ya kucheza mbele ya mashabiki wengi.
“Kikosi kipo kwenye hali nzuri, mchezo wa kesho utakuwa kipimo bora kwetu, tunafahamu mashabiki watajitokeza kwa wingi uwanjani nasi tunaona itakuwa jambo zuri kuwapa furaha ya ushindi.”
Kwa upande wake nahodha wa timu, Mohamed Hussein ‘Tshabalala’ amewatoa hofu Wanasimba na akijivunia kikosi cha kuwa ni imara ya ushindani na kesho wataanza kupata furaha waliyokuwa wanaisubiri.
“Tupo tayari kwa mchezo wa kesho, tunajua kuwa ni sikukuu ya Wanasimba na tiketi zimeisha siku tatu kabla kwa hiyo wachezaji tunajua tuna jambo kubwa la kufanya,” amesema.
