Na Ramadhan Hassan,Dodoma
Katibu Mkuu Wizara ya Habari, Mawasiliano na Tekonolojia ya Habari, Dk. Jimmy Yonazi amesema uhalifu wa kimtandao ni mpana na kila siku teknolojia inakuwa hivyo ni muhimu kuhakikisha kila mara Jeshi la Polisi linawajengea uwezo askari wake ili kwenda na ulimwengu wa kidijitali.
Amesema Serikali imechukua hatua kwa kutunga Sheria ya makosa ya mtandao ya mwaka 2015 ili kuweza kukabiliana na masuala ya uhalifu wa kimtandao ambao umekuwa ukishika kasi.
Kauli hiyo ameitoa leo Februari 25,2022 jijini hapa wakati akifunga mafunzo ya siku tano kwa wapelelezi pamoja na maaskari wa chumba cha mashtaka wa Tanzania na Zanzibar lengo likiwa ni kuwajengea uwezo kuhusu masuala ya uhalifu wa Mtandao.
Katibu Mkuu huyo amesema uhalifu wa kimtandao ni mpana na kila siku teknolojia inakuwa hivyo ni muhimu kuhakikisha kila mara Jeshi la Polisi linawajengea uwezo askari wake ili kwenda na ulimwengu wa kidijitali.
Amesema Serikali imechukua hatua kwa kutunga Sheria ya makosa ya mtandao ya mwaka 2015 ili kuweza kukabiliana na masuala ya uhalifu wa kimtandao ambao umekuwa ukishika kasi.
Aidha,amesema Serikali itahakikisha inaboresha ushirikiano na mataifa ya nje katika utendaji kazi kuhusu suala zima la ulinzi na usalama ili kukabiliana na vitendo vya uhalifu wa kimtandao
“Kama serikali tutaendelea kufanyia kazi ya mashirikiano baina ya nchi yetu nan chi nyingine katika kuhakikisha tunaimarisha masuala ya mawasiliano ya Tehama ili kukabiliana na uhalifu wa kimtandao,” amesema Dk. Yonazi.
Naye, Mkurugenzi wa Mashtaka nchini, DCI Camillius Wambura amesema mafunzo hayo yataleta matokeo chanya kutokana na mbinu walizopata ili kukabiliana na uhalifu wa kimtndao kwani maarifa yatawasaidia katika kubadilishana taarifa.
Mkurugenzi huyo wa Mashtaka nchini amewataka wapelelezi hao pamoja na askari kuhakikisha wanafanya kazi kwa uadilifu na nidhamu katika utendaji kazi wao kwani tabia za wachache zimekuwa zikiharibu taswira ya Jeshi jambo ambalo si jema.
