Na Imani Nathaniel, Mtanzania Digital
Katika kuunga mkono juhudi za Serikali za kuokoa Maisha ya wagonjwa wanaohitaji damu, Kampuni ya Simu ya Halotel, leo Machi 6,2023 imeshirikiana na Shule ya Sekondari ya Wasichana ya Kisutu na Taasisi ya Mifupa- MOI, kuandaa tukio la uchangiaji damu kwa hiari.
Katika kuelekea siku ya wanawake duniani, Machi 8 ya kila mwaka, Halotel imeona ni muhimu kusherehekea siku hiyo kwa kuchangia katika Sekta ya Afya kwa Kuunga mkono juhudi za serikali kuboresha sekata hiyo.
Halotel ikishirikiana na MOI, imewezesha utekelezaji wa Kampeni ya Uchangiaji damu chini ya Shule ya Sekondari ya Wasichana ya Kisutu kwa kuchangia vifaa mbalimbali ikiwamo nguo, chakula, vinywaji na vitafunwa kwa ajili ya kutumika katika zoezi hili.
Akizungumza katika zoezi hilo, Mkuu wa Kitengo cha Masoko Halotel, Sakina Makabu, amesema kuwa, katika kuhakikisha tunaipunguzia Serikali ya Awamu ya Sita mzigo katika changamoto ya kukosekana kwa damu ya kutosha na kuokoa maisha ya wagonjwa katika Taasisi ya MOI na Hospital ya Muhimbili.
“Wajawazito, manusura wa ajali, watoto chini ya miaka mitano wapo katika kundi lenye Uhitaki mkubwa wa damu, hivyo kuwezesha zoezi hili ni ishara ya upendo kwa Watanzania ambao pia ni wateja wake, ambapo zoezi hili linatarajiwa kushirikisha zaidi ya shule 40 ambazo zitaleta wanafunzi zaidi ya 2,000,” alisema Sakina.
Kwa upande wa Afisa Habari wa MOI, Patrick Mvungi, amesema kuwa Taasisi hiyo imefurahishwa kwa mwitikio kutoka Kampuni ya Halotel, kwa kuwezesha Kampeni hii .
“Hii inaonyesha namna Kampuni inavyojali Afya za wananchi, na juhudi zinazofanywa na Serikali katika Kuboresha Sekta ya Afya ambapo hii ni hatua kubwa kwetu kuelekea kuimarisha zaidi uhusiano wetu na Kampuni ya Halotel katika Sekta ya Afya,” amesema Mvungi.
Kwa upande wa Mkuu wa Shule ya Sekondari ya Kisutu, Chiku Mhando, ameishukuru Halotel kwa kuwa mdhamini mhimu katika tukio hili, huku akiomba makampuni mengine na Taasisi nyingine kujitokeza kuunga mkono zoezi hilo ili kuongeza kiwango cha damu kwenye benki ya damu.
“Halotel ni Kampuni inayotambua thamani katika Sekta ya Afya Nchini, hivyo Taaisis nyingine tunaziomba zifanye hivyo ili kuweza kusaidia benki ya damu kuwa na akiba,” amesema Mhando.
Aidha, sera ya kampuni ya Halotel siyo tu imejikita kibiashara bali pia kusaidia jamii , kurudisha sehemu ya faida kwa jamii ili kusaidia Serikali katika Kuboresha sekta ya afya na elimu.
