LOS ANGELES, Marekani
UKIWA ni mwezi mmoja tu umepita tangu alipositisha onyesho ‘show’ yake ya mjini Las Vegas, nyota Lil Wayne alifanya hivyo tena mwishoni mwa wiki iliyopita.
Itakumbukwa kuwa Wayne alishindwa kufika Las Vegas, baada ya afya yake kutetereka na hatimaye kukimbizwa hospitali.
Safari hii rapa huyo alikacha kupanda jukwaani katika tamasha la Fall Ball, eti kwa sababu alitakiwa kukaguliwa na walinzi waliokuwa kwenye Ukumbi wa Colonial Life Arena.
Hata hivyo, licha ya kusikitishwa na kitendo hicho, wamiliki wa ukumbi huo uliopo Kusini mwa Jimbo la California walisema usalama ni kipaumbele chao, hivyo wasingeweza kumwacha apande jukwaani bila kukaguliwa.
“Wakati tunasikitika kwa uamuzi wa msanii (Wayne) kutotumbuiza, Colonial Life Arena haiwezi kupuuza ubora wa ulinzi na kuuweka hatarini usalama wa wateja, wasanii au wafanyakazi,” ilisema taarifa ya wamiliki hao.
Hata hivyo, licha ya Wayne kugoma, jukwaa lilishambuliwa na wakali Cardi B, 2 Chainz na Tory Lanez.
