NEW YORK, MAREKANI
WAKALI wa muziki wa hip hop nchini Marekani, Nasir Bin Jones na Nicki Minaj, hatimaye wameamua kuweka wazi uhusiano wao kwa mara ya pili baada ya kuachana miaka kadhaa iliyopita.
Wawili hao wameamua kuweka wazi tena uhusiana wao baada ya Nicki kuachana na rapa Meek Mill mapema mwaka huu.
Kwa mujibu wa mtandao wa E! News, Nas na Nicki walianza kurudisha uhusiano wao tangu Mei mwaka huu, hata hivyo wiki iliyopita Nicki alihudhuria kwenye sherehe ya siku ya kuzaliwa Nas alipotimiza miaka 44.
Nicki alitumia ukurasa wake wa Instagram na kuposti picha na Nas na kuandika: “Ni mfalme pekee ambaye anaweza kumtambua Malkia, nakupenda sana. Hata hivyo, Nas alijibu kwa kuandika kwamba tupo pamoja.
