LOS ANGELES, Marekani
WIKI iliyopita, staa wa R&B mwanadada Rihanna, alikuwa mjini London na mpenzi wake ambaye ni bilionea wa Saudi Arabia, Hassan Jameel.
Hii ni mara ya pili kwa mastaa hao kufika kwenye jiji hilo kwani Agosti mwaka jana walionekana kwenye mgahawa wa Chiltern Firehouse.
Alhamisi ya wiki iliyopita wawili hao walinaswa na kamera za mapaparazi wakiwa kwenye mgahawa wa Park Chinois, ambao ni maarufu kwa vyakula vya Kichina.
Rihanna na Jameel walianza kutoka kimapenzi Juni mwaka huu baada ya kupigwa picha wakiwa pamoja nchini Hispania.
Jameel anatokea katika familia tajiri Saudi Arabia, ambayo ndiyo yenye haki ya usambazaji magari aina ya Toyota nchini humo.
