Na Mwandishi Wetu, Mtanzania Digital
Waziri Mkuu Kassim Majaliwa amewataka vijana kutumia fursa ya uwekezaji unaofanya na Serikali katika sekta ya TEHAMA ili kukuza uchumi binafsi na Taifa kwa ujumla.
Ameyasema hayo leo Oktoba 17, 2024 wakati akimwakilisha Rais Dk. Samia Suluhu Hassan katika kilele cha Kongamano la Nane la Mwaka la TEHAMA, linalofanyika katika Kituo cha Mikutano cha Kimataifa cha Julius Nyerere, Dar es Salaam.
Akizungumza baada ya kutembelea mabanda ya Maonesho kwenye Kongamano hilo, Majaliwa ameipongeza Wizara ya Habari, Mawasiliano na Teknolojia ya Habari kwa kuweka mikakati mbalimbali ya kuhakikisha wanasimamia ukuaji wa Sekta ya TEHAMA.
Amesema mkakati wa Serikali ni kujenga kituo ambacho kitakuwa na nafasi ya vijana watanzania wabunifu kwenda kubuni kazi zao nakuingia katika mifumo kuona tafiti mbalimbali.
Kaulimbinu ya Kongamano hilo ni “Kutumia Uwezo wa Akili Mnemba na Robotiki kwa ajili ya Mapinduzi ya Kiuchumi na Kijamii”.
