27.2 C
Dar es Salaam
Wednesday, July 24, 2024

Contact us: [email protected]

‘Walimu timizeni wajibu kwa kufanya kazi kwa bidii’

Na Mwandishi Wetu, Mtanzania Digital

Walimu wa shule za msingi katika Halmashauri ya Jiji la Dar es Salaam wametakiwa kujituma kwa kufanya kazi kwa bidii ili kuinua kiwango cha taaluma katika halmashauri hiyo.

Ofisa Elimu Sekondari wa Halmashauri ya Jiji la Dar es Salaam, Mussa Ally, akimkabidhi zawadi Mwalimu Mkuu wa Shule ya Msingi Mzambarauni, Maria Liyombo, wakati wa hafla ya Siku ya Elimu Kata ya Ukonga.

Wito huo umetolewa Oktoba 13,2023 na Ofisa Elimu Sekondari wa Halmashauri ya Jiji la Dar es Salaam, Mussa Ally ambaye alimwakilisha Mkuu wa Wilaya ya Ilala, Edward Mpogolo, wakati wa hafla ya Siku ya Elimu Kata ya Ukonga.

Amesema Serikali inawathamini walimu kwa kushughulikia stahiki zao mbalimbali kama vile kulipa madeni hivyo ni wajibu wao kufanya kazi na maarifa huku wakitembea kwa kujivuna kwamba Serikali inawajali.

“Walimu ni jeshi kubwa, tuendelee kuwa wamoja kwa sababu sisi ndio walezi wa taifa, tuendelee kuitumikia Serikali kwa haki na wajibu,” amesema Mwalimu Ally.

Mwalimu Mkuu wa Shule ya Msingi Mzambarauni walioratibu hafla hiyo Maria Liyombo, amesema siku hiyo ina lengo la kuwakutanisha walimu ili kuimarisha uhusiano na kuinua taaluma katika Kata ya Ukonga.

“Tunawaunganisha walimu na kuwajengea ari ya kufanya kazi na kuwakumbusha wajibu wao, tunataka kuifanya Kata ya Ukonga kuwa ya mfano katika taaluma Jiji la Dar es Salaam,” amesema Mwalimu Liyombo.

Kata ya Ukonga ina shule 15
za msingi na awali 15 na kati ya hizo nane ni za Serikali na saba za watu binafsi.

- Advertisement -

Related Articles

LEAVE A REPLY

Please enter your comment!
Please enter your name here

Stay Connected

90,904FansLike
214,997FollowersFollow
589,000SubscribersSubscribe

Latest Articles