28.2 C
Dar es Salaam
Thursday, August 11, 2022

Vikosi vya waasi Libya vyaendeleza mauaji

TRIPOLI, LIBYA

Kikosi cha Anga cha wapiganaji wa Jenerali Khalifa Haftar, kimefanya shambulizi la anga lililolenga ghala la jeshi la Serikali ya Umoja wa Kitaifa inayoungwa mkono na jamii ya kimataifa katika mji mkuu Tripoli na kuua watu tisa.

Msemaji wa Wizara ya Afya ya Libya, Fawzi Wanis alisema jana kuwa watu wote tisa waliouawa katika hujuma hiyo ya juzi Jumamosi walikuwa raia.

Hata hivyo vikosi vya Haftar vinadai kuwa shambulizi lao lilipiga kwa ustadi ngome ya ‘maadui’ na kwamba hakuna raia aliyeuawa.

Hii ni katika hali ambayo, Ijumaa wiki iliyopita, Umoja wa Mataifa (UN) ulisema mapigano mapya baina ya vikosi vya kamanda muasi wa Libya, Jenerali Khalifa Haftar na Fayez al-Sarraj, Waziri Mkuu wa Serikali ya Umoja wa Kitaifa inayoungwa mkono na jamii ya kimataifa katika mji mkuu Tripoli yamesababisha vifo vya raia 42, huku wengine zaidi ya 120 wakijeruhiwa.

Aprili 4 mwaka huu, Jenerali Khalifa Haftar siku chache baada ya kukutana na Mfalme Salman Bin Abdulaziz wa Saudi Arabia mjini Riyadh alitoa amri ya kushambuliwa mji mkuu wa Libya, Tripoli.

Mbali na Saudi Arabia, Jenerali huyo muasi, anaungwa mkono pia na Umoja wa Falme za Kiarabu (Imarati), Misri, Ufaransa na Marekani.

Kwa mujibu wa Shirika la Afya Duniani (WHO), mapigano hayo yamesababisha watu 653 kuuawa huku wengine zaidi ya 3,547 wakijeruhiwa.

- Advertisement -

Related Articles

LEAVE A REPLY

Please enter your comment!
Please enter your name here

Stay Connected

90,904FansLike
198,455FollowersFollow
550,000SubscribersSubscribe

Latest Articles