30.2 C
Dar es Salaam
Thursday, December 9, 2021

Tuhuma za ngono vyuoni zisipuuzwe


SIKU kadhaa zilizopita vyombo vya habari na mitandao ya kijamii vilisheheni taarifa zakuwepo rushwa ya ngono katika Chuo Kikuu Dar es Dar es Salaam (UDSM) zilizoibuliwa na Mhadhiri Mwandamizi wa chuo hicho, Dk. Vicensia Shule ambazo kwa kiasi kikubwa zilitikisa jamii yetu na kufanya uongozi wa chuo kukaa vikao mbalimbalikuzijadili tuhuma hizo.

Katika akaunti yake ya Twitter, Dk. Shule alionesha kusikitishwa kuwasilishama lalamiko yake juu ya tuhuma za ngono mbele ya Rais Dk. John Magufuli alipo kwendakuzindua maabara kubwa ya kwanza Tanzania ambayo pia ni ya tatu Afrika iliyopoChuo Kikuu Dar es Salaam.

Katika andiko lake, Dk. Shule alimweleza Rais kwamba kutokana na ulinzi mkali uliokuwapo siku hiyo ameshinndwa kumsogelea angalau Rais apate nafasi yakulisoma bango la malalamiko aliloandaa linalomuomba Rais afuatilie kwa karibukilio cha wanafunzi wa kike wa UDSM kinachoeleza wanavyoathiriwa na ngono nakwa kiasi kikubwa kinarudisha nyuma malengo yao.

Nichukue nafasi hii kumpongeza Dk. Shule kwa ujasiri alioonesha angalau kuthubutu kuwekawazi madhila yanayowasibu wanafunzi wa kike UDSM, lakini pia nimpe pole iwapokama alipata kikwazo chochote baada ya kuweka wazi kilio hicho kwani Wahengawalinena; “Mti wenye matunda ndio wenye kupopolewa kwa mawe”

Tuhuma za ngono kwa wanafunzi wa kike kwenye vyuo vikuu nchini hazikuanza leo lakini pia haziwasibu wanafunzi wa Chuo Kikuu Dar es Salaam pekee, hili tatizo lipo kwenye vyuo vyote na nitamke wazi linarudisha nyuma sana malengo ya wanafunzi wa kike kwani baadhi yao wale wasiojiweza sana wamejikuta wakiingia kwenye mtego huo bila kupenda, lakini wengine hujikuta wakiondolewa vyuoni kwa visa tu ilhali wakiwa hawakutimiza malengo yao.

Sio kweli kwamba wanafunzi wa kike uwezo wao kichwani ni mdogo, wapo wanawake wengi wenye uwezo wa kielimu kuliko hata wanafunzi wa kiume, lakini asilimia kubwa hujikuta wanawekewa vikwazo kuendelea mbele kutokana na kulazimishwa kufanya ngono nabaadhi ya wahadhiri wenye tamaa.

Baadhi wakishindwa kukwamishwa kwa rushwa ya fedha, basi hukwamishwa kwa kutumia kikwazo cha ngono. Na hapa sihitaji kuelezea kwa kirefu namna ambavyo baadhi yawa hadhiri wamekuwa wakifanya kosa hilo kubwa kwa vijana wa kike waliopitia vyuoni watakuwa wamenielewa.

Mmoja wa wanafunzikatika chuo kikuu fulani hapa nchini (jina nalihifadhi) aliwahi kuzungumnzanami akilalamikia tatizo la rushwa ya ngono lilivyokuwa kubwa kwenye chuo hicho,pamoja na kuripotiwa kwa uongozi wa chuo lakini mara nyingi wanaoripoti hutakiwa kupeleka ushahidi ambao pengine kwa wakati huo walalamikaji hukosaushahidi na hivyo malalamiko yao yakionekana ni ya kuharibu sifa ya chuo ama yamhusika anayelalamikiwa.

Mwanafunzih uyo aliwahi kunieleza alipoitwa na mmoja wa wahadhiri ambaye alitaka afanyenaye mapenzi kwa ahadi kuwa kwa kufanya hivyo ataweza kufaulu masomo yake lakini kwa ushujaa alikataa kufanya hivyo na kuripoti tuhuma hizo kwa uongoziwa wanafunzi na baadaye malalamiko hayo yakafikishwa kwa uongozi wa chuo ambao ulitaka atoe ushahidi iwapo kweli yalikuwapo mazungumzo hayo kati ya mhadhirina mwanafunzi.

Jambo la ajabu ni kwamba uongozi wa chuo eti ulimweleza mwanafunzi kwamba iwapo kweli yalikuwapo mazungumzo hayo ambayo mwanafunzi hakukubaliana nayo basi angetumia mbinu ya kurekodi mazungumzo hayo na kuyafikisha yakiwa kama ushahidi.

Sasa hapo unajiuliza, wakati mwanafunzi akiitwa na mhadhiri kuelezwa matakwa yake,hakujiandaa kama ataelezwa upuuzi huo, alijua anaitwa kwa mazungumzo ya kawaidakama ambavyo hutokea kati ya mhadhiri na mwanafunzi wake, je, huo muda wakurekodi hayo mazungumzo unatoka wapi?

Huu ni mfano mmoja wa kukwamisha malalamiko ya rushwa ya ngono yasifanyiwe kazi kwa kuweka vizingiti kwa mlalamikaji asiendelee kulalamika.

Mwanafunzi kama huyu ambaye amepeleka malalamiko yake anawekwa kwenye nafasi gani ya kuendelea kimasomo na kukamilisha ndoto zake?

Bila shaka mhadhiri anayelalamikiwa anaposikia kwamba upuuzi wake umekwenda kwenye ngazi  husika kila njia kum kwamisha mwanafunzi na hapo ndipo unakuwa mwisho wamwanafunzi.

Lakini pia yapo malalamiko kwamba wapo wanafunzi wa kike hushawishi wahadhiri kufanya nao ngono, hili linaweza kuwapo kwa asilimia ndogo sana. Na hii hutokea kwa wale wanafunzi ambao hufikiri kwa kufanya hivyo ndiyo njia ya wao kutoka kielimu.

Lakini hawa ndiyo wale wanapokuja kwenye ajira wanakuwa mzigo kwa Taifa, kwani uwezo wao wa ubunifu unakuwa ni wa kiwango cha chini kabisa.

Natoa wito kwa wahusika, hususani wizara husika kufuatilia kwa karibu malalamiko hayo yenye lengo la kuharibu taswira ya vyuo vyetu, lakini pia kuwatisha wazazi walio na vijana wa kike ambao walio vyuoni na wale wenye lengo la kufika elimu ya juu.

- Advertisement -
bestbettingafrica

Related Articles

LEAVE A REPLY

Please enter your comment!
Please enter your name here

Stay Connected

66,457FansLike
168,702FollowersFollow
527,000SubscribersSubscribe
- Advertisement -
10Bet

Latest Articles