Na BRIGHITER MASAKI
MSANII wa muziki wa Bongo Fleva, Ally Timbulo, amesema wasanii hapa nchini wajifunze kutoa kazi zao kwa kujitegemea si kutegemea wasanii wa nje ambao hawana mchango wowote.
Akizungumza na MTANZANIA jana, mkali huyo ambaye anatamba na wimbo wa ‘Vibaya’, alisema mfano mzuri kolabo ya Diamond na Davido, ilimtangaza zaidi Davido hapa nchini kuliko Diamond. .
“Kumshirikisha msanii wa nje nikumleta hapa, tumemjua Davido baada ya kushirikishwa na Diamond baada ya hapo Davido alikuwa kama Mtanzania vile inavyopigwa utasema anatokea Manzese, lakini Davido hakumsaidia Diamond kule Nigeria kuchukua muziki aupeleke kule,” alisema.
Alisema Ali Kiba amefanikiwa kushinda tuzo bila kolabo na msanii wa nje na ndivyo inavyotakiwa.
