LAGOS, NIGERIA
STAA aliyetamba na wimbo wa ‘Pana’, Augustine Kelechi maarufu kwa jina la Tekno Miles, amethibitisha kupata mtoto wa kwanza na mpenzi wake, Lola Rae.
Hata hivyo, Tekno na mrembo huyo walitangaza kuachana miezi sita iliyopita wakati huo Lola akiwa mjamzito, kila mmoja alimwondoa mwenzake kwenye akaunti ya Instagram, lakini kupitia ukurasa huo wa Tekno ameweka wazi kuwa amepata mtoto.
Inasemekana wawili hao walimaliza tofauti zao mapema kabla ya mrembo huyo kujifungua mwishoni mwa wiki iliyopita.
“Hatimaye tumefikia kilele, nina furaha kubwa kupata mtoto,” aliandika Tekno kwenye ukurasa wake wa Instagram, akiambatanisha na alama nyingi zenye upendo.
