Na Winfrida Mtoi, Mtanzania Digital
Mshambuliaji wa zamani wa Yanga na Simba, Amissi Tambwe, imedhihirisha kuwa bado ni mkali katika ufungaji baada ya leo, Oktoba 2, kuifungia timu yake ya DTB mabao manne katika ushindi wa 4-1 dhidi ya African Lyon.
Katika mchezo huo wa kwanza wa Ligi ya Championship zamani Daraja la Kwanza, uliopigwa Uwanja wa Uhuru, Dar es Salaam, Tambwe alifunga mabao hayo dakika ya 12,40,46 na 54, huku la African Lyon likifungwa na Twaha Mvuma.
Tambwe amejiunga na DTB msimu pamoja na wachezaji wengine nyota waliowahi kutamba Ligi Kuu Tanzania Bara kama vile Juma Abdul, David Mwantika, Yusuf Mlipili, Nicholas Gyan na James Msuva
