Na Brighiter Masaki
MSANII wa filamu nchini, Rose Ndauka ametoa ajira kwa vijana wenzake baada ya kufungua saluni ya kike na kiume inayotoa huduma hadi kwa watoto iliyopo Sinza Afrikasana jijini Dar Es salaam.
Akizungumza katika uzinduzi huo, Ndauka amesema kuwa sio kitu rahisi kwani alijipanga kwa muda mrefu katika kufungua biashara hiyo na kufikiria kutoa ajira kwa vijana wenzake.
“Namshukuru Mungu na wazazi wangu kwa ushiririkiano walionipa kufanikisha kitu kama hiki. Nimefungua saloon ambayo ukija na familia yako mnapata huduma zote kuanzia baba, mama na watoto pamoja na maharusi na shughili nyingine,” amesema Ndauka
Akizungumzia uzinduzi huo, Anty Ezekiel ambaye ni msanii mwenzanke na Ndauka, alimpongeza Rose kwa hatua aliyopiga katika kufungua biashara hiyo kubwa na nzuri ambapo mtu akifika anapata huduma zote kulingana na mahitaji yake.
