26.2 C
Dar es Salaam
Saturday, October 16, 2021

Rais Samia awaonya Ruwasa ubambikiziaji wa gharama za maji

Sheila Katikula na Clara Matimo-Mwanza

Rais Samia Suluhu Hassan amewaonya Wakala wa Maji Mijini na Vijijini (RUWASA) kutowabambikizia wananchi bili za maji kwani hali hiyo inasababisha wateja  kutumia mbinu mbaya za kuiba maji na kuikosesha Serikali mapato.

Amesema kitendo hicho  kinasababisha wananchi kutonufaika na matunda ya kodi zao ambazo Serikali inazitumia kutekeleza miradi mbalimbali ili kuwatatulia changamoto zinazowakabili.

Rais Samia ametoa onyo hilo wilayani Misungwi mkoani Mwanza jana Juni 14, baada ya kuzindua mradi mkubwa wa maji uliojengwa Kijiji cha Nyahiti Kata ya Igokelo ambao uliogharimu  Sh bilioni 13.77.

“Mpeni mtu kiwango alichotumia alipe kihalali mkiwabambikizia bili za maji wateja wanakimbia kulipa nao wanatafuta mbinu zao za kutumia maji bila kulipa hivyo kuikosesha Serikali mapato.

“Lakini niwaombe mamlaka zote za maji na wananchi kulipa bili za maji tambueni kwamba fedha tulizozitumia kujenga mradi huu tumekopa ingawa ni mkopo  wa riba nafuu lakini tunatakiwa kurudisha, mtakapolipa bili na tozo kwa wakati na ambazo ni halali  tutaweza kurudisha mkopo huu na kukopeshwa tena ili tuendelee kujenga miradi mingine yenye tija kwa taifa na wananchi wake,”alisema.

Kwa upande wake  Katibu Mkuu wa Wizara ya maji, Mhandisi, Antony Sanga, amesema mradi huo  utaongeza hali ya upatikanaji wa maji kutoka asilimia 42 hadi asilimia 83 katika Wilaya ya Misungwi .

Mhandisi Sanga alisema  mradi huo una uwezo wa kuzalisha lita milioni 4.5 za maji kwa siku ambazo zitatosheleza mahitaji ya  wakazi wa Wilaya ya Misungwi ambao mahitaji yao ni lita milioni 3.9 kwa siku.

  “Mradi huu umepewa nafasi ya kuongeza uzalishaji kwa baadae kwa kadri mahitaji yanavyoongezeka utaweza kuzalisha zaidi ya lita milioni 6 kwa siku lakini kwa sasa  utawahudumia jumla ya wakazi 64,000,”amesema Sanga.

Naye Waziri wa Maji, Juma Aweso, amesema wizara yake haitakuwa kikwazo kwa watanzania kupata maji safi na salama  na kwamba  mahitaji ya maji katika jiji la  Mwanza ni lita milioni 54 uzalishaji wa sasa  ni lita milioni 90.

“Mheshimiwa Rais nakumbuka uliponiapisha uliniita ukaniambia nikikuzingua tunazinguana naomba nikuhakikishie mimi na  watendaji wa Wizara ya maji ulionipa dhamana kuisimamia hatutakuangusha kwa sababu  hatuko tayari kukuzingua.

 “Wizara tunaenelea kufanya mageuzi  mbalimbali kwa ajili ya  kuhakikisha watanzania wanapata huduma ya maji  tunatambua lengo leko ni kumtua mama wa kitanzania ndoo kichwani na sisi kama wizara tumeanza kuchukua hatua mbalimbali ili kuhakikisha nia yako ya dhati kwa wananchi inatimia,”alisema Aweso.

Mradi huo umegharimikiwa  na Serikali ya Tanzania, Benki ya uwekezaji ya Ulaya (EIB), Shirika la Maendeleo la Ufaransa (AFD) na kusimamiwa na Mamlaka ya Maji Safi na Usafi wa Mazingira Jijini Mwanza (Mwauwasa).

Related Articles

LEAVE A REPLY

Please enter your comment!
Please enter your name here

Stay Connected

66,457FansLike
161,841FollowersFollow
521,000SubscribersSubscribe

Latest Articles