NAIROBI, KENYA
RAPA Jackson Makini maarufu kwa jina la Prezzo, amethibitisha kumaliza tofauti na staa mwenzake, Charles Kanyi, baada ya kuwa kwenye mgogoro kwa muda mrefu.
Mastaa hao wakubwa nchini Kenya wamekuwa wakirushiana maneno mara kwa mara kwenye mitandao ya kijamii pamoja na vyombo vya habari, lakini sasa hali hiyo imefikia mwisho.
“Naomba niweka wazi kuwa, sina tatizo na mtu yeyote kwa sasa, wapo ambao nilikuwa nimetofautiana kutokana na baadhi ya mambo, ila kwa sasa sina tatizo nao,” alisema Prezzo.
Prezzo aliwahi kusema hamjui mtu yeyote anayeitwa Jaguar, ila analijua aina ya gari inayoitwa Jaguar ambalo ni la kisasa kutoka nchini Uingereza na Jaguar mwingine ambaye alikuwa anamjua msanii huyo ni mnyama na si binadamu.
