Mwandishi Wetu
Kamanda wa Polisi Mkoa wa Dodoma, Gilles Muroto, amesema kuwa taarifa za awali zinaonyesha Mwenyekiti wa Chadema, Freeman Mbowe, amevamiwa na watu watatu ambao wamemkanyaga mguu wa kulia na kumvunja.
Akizungumza muda huu Kamanda Muroto, amesema kuwa tayari wameanza uchunguzi wa tukio hilo na atatoa taarifa kamili baadae kwa vyombo vya habari.
“Ni kweli Mbowe amevamiwa na kundi la wahalifu watatu ambao wamemvunja mguu wa kulia na amelazwa katika wodi namba nne Ntiyuka hapa Dodoma.
“Tumeanza uchunguzi na mara baada ya kukamilisha tutatoa taarifa baadae. Hali yake inaendelea vizuri,” amesema Kamanda Muroto
Naye Katibu Mkuu wa Chadema, John Mnyika, amesema kuwa Mbowe alivamiwa nyumbani kwake kati ya saa sita na saa saba usiku na watu hao.
Alipouliwa hali yake alisema kuwa kwa sasa wanaendelea kufuatilia na watatoa taarifa baadae.
