27.9 C
Dar es Salaam
Thursday, March 28, 2024

Contact us: [email protected]

Mwanafunzi Koromije ahukumiwa kuchapwa viboko Kwa kumtia mimba mwenzake

TWALAD SALUM- MWANZA

MWAFUNZI  wa Shule ya Sekondari Koromije wilayani Misungwi Mkoa wa Mwanza, amehukumiwa kuchapwa viboko sita kwa kosa la kubaka na kumpa ujauzito mwanafunzi mwenzake.

Mwendesha Mashitaka mkaguzi msaidizi wa polisi, Juma Kiparo akimsomea hati ya mashitaka April 2 katika kesi ya jinai namba 8 ya mwaka 2019 mwanafunzi jina lake limehifadhiwa mwenye umri wa miaka 15 anayesoma kidato cha pili Sekondari ya Koromije.

Mwendesha mashtaka alimsomea shtaka la kwanza kuwa ni kubaka kinyume cha sheria kifungu cha 130 (1) 2 (e) na 131 sura 16 kama ilivyofanyiwa marekebisho mwaka 2002, kuwa katika tarehe zisizo fahamika mwaka 2017 na 2018 alifanya mapenzi na mwanafunzi mwenye umri wa miaka 14  anayesoma shule ya msingi Ibongoya kinyume cha sheria.

Tuhuma ya Pili kati ya Septemba na Desemba mwaka jana alimpa ujauzito mwanafunzi mwenye umri wa miaka 14 kinyume cha sheria ya Elimu kifungu cha 60 A (4) kifungu kidogo cha(4)  sura 353 kama ilivyofanyiwa marekebisho ya sheria 2 mwaka2016.

Mbele ya Hakimu mkazi mfawidhi wa Mahakama ya Wilaya, Erick Marley mtuhumiwa alikiri kufanya kosa hilo na mahakama ikamtia hatiani na kumtaka ajitetee na alisema kuwa yeye hana wazazi ni mtoto yatima anaishi na bibi na babu yake anaiomba mahakama impuguzie adhabu.

Mahakama ilimwomba Ofisa Ustawi wa Jamii, Sldvey Mdoe kutoa ushauri.

Katika ushauri wake ofisa huyo aliomba mahakama sheria ifuatwe kulingana na sheria ya mtoto kwani ni kweli mtuhumiwa ni yatima analelewa na bibi na babu yake na mazingira ya malezi ndiyo yamesababisha hali hiyo.

Mahakama ilimuhukumu kosa la kwanza la kubaka apigwe viboko sita, na kosa la pili apigwe viboko sita , badala ya kupigwa viboko 12 atachapwa viboko sita baada ya kupimwa afya yake.             

- Advertisement -

Related Articles

LEAVE A REPLY

Please enter your comment!
Please enter your name here

Stay Connected

90,904FansLike
214,997FollowersFollow
585,000SubscribersSubscribe

Latest Articles